Dalin detaje të reja nga ngjarje e ndodhur ditëën e djeshme ku mbeti i plagosur biznesmeni në Kavjë.
Njoftimi i Policisë
Policia bëri të ditur se lidhur me ngjarjen e një ditë më parë në Kavajë, ku shtetasi Eri Velecia, 42 vjeç, dyshohet se ka goditur me mjet prerës (thikë) biznesmenin Artur Ligeja, policia ka kryer arrestimin e autorit të dyshuar.
“Specialistët për Hetimin e Krimeve të Komisariatit të Policisë Kavajë arrestuan në flagrancë shtetasin Eri Velecia, 42 vjeç, banues në Kavajë. Gjatë veprimeve procedurale, me cilësinë e provës materiale u sekuestruan një mjet prerës (thikë) dhe një mjet prerës (sëpatë)”, njofton policia.
Materialet procedurale i janë referuar Prokurorisë së Durrësit për veprime të mëtejshme ligjore.
