Në episodin e fundit të podkastit “Flasim”, Kryeministri Edi Rama theksoi rëndësinë e Paqes Fiskale, një iniciativë që do të lehtësojë bizneset duke u ofruar mundësinë të korrigjojnë deklarimet e kaluara dhe të paguajnë vetëm 5% tatim mbi fitimin.
Ai theksoi se kjo do të sjellë një marrëdhënie më të shëndetshme mes administratës tatimore dhe sipërmarrjes, duke eliminuar gjobat e vjetra dhe borxhet.
“Paqja fiskale synon të ndërtojë një marrëdhënie të re, të shëndetshme mes administratës tatimore dhe sipërmarrjes. Ajo u jep mundësi ndërmarrjeve që nuk janë në konflikt me ligjin, të vetë-korrigjojnë deklarimet e të shkuarës dhe për çdo korrigjim të paguajnë vetëm një tatim fitimi prej 5%. Kjo është një mundësi për të pasur më shumë energji sipërmarrëse dhe për të kontribuar në zhvillimin ekonomik të vendit.”
