Juristi Kreshnik Spahiu i ftuar mbrëmjen e sotme në emisionin “5Pyetjet nga Babaramo” në Report Tv u shpreh se Albin Kurti me fitoren e së dielës ka gjasa që do të jetë në pushtet edhe pas 8 viteve të ardhshme.
“Albin Kurti e shndrroi partinë e tij tërësisht populiste duke shkërrmoqur partitë e tjera. Aspekti negativ është se Kosova mund të futet në një proces, që Albin Kurti do të shkojë më gjatë se Edi Rama në pushtet. Unë e shikoj Albin Kurtin dhe Vetëvendosjen edhe pas 8 viteve në pushtet nëse nuk do të ketë ngjarje të jashtëzakonshme.
Do të kemi një demokraci të brishtë se ai pluralizmi politik, edhe atje po prishet. Pozitive është e ardhmja dhe stabiliteti i Kosovës me një mazhorancë që nuk do të jetë më e brishtë për t’u rrëzuar për 4 vite.
