“Spanja nuk do ta njohë një ndërhyrje të SHBA-së në Venezuelë që shkel ligjin ndërkombëtar”, tha të shtunën kryeministri Pedro Sanchez, pasi forcat amerikane kapën presidentin e Venezuelës, Nicolas Maduro, në një operacion gjatë natës.
“Spanja nuk e njohu regjimin e Maduros. Por as nuk do të njohë një ndërhyrje që shkel ligjin ndërkombëtar dhe e shtyn rajonin drejt një horizonti pasigurie dhe armiqësie”, shkroi Sanchez në X, pasi Presidenti i SHBA-së Donald Trump njoftoi se SHBA-të do të drejtonin vendin e Amerikës së Jugut derisa të përfundonte një tranzicion “i sigurt”.
Sanchez u bëri thirrje gjithashtu të gjitha palëve të “mendojnë për popullsinë civile, të respektojnë Kartën e Kombeve të Bashkuara dhe të artikulojnë një tranzicion të drejtë dhe të dialoguar”.
