Aventura e Kristjan Asllanit te Torino mund të mbyllet shumë shpejt, pasi klubi italian po shqyrton mundësinë e ndërprerjes së parakohshme të huazimit të mesfushorit shqiptar.
Sipas gazetarit të njohur të merkatos, Mateo Moreto, Torino mund të vendosë që Asllani të kthehet në Milano, tek Interi, pas ndeshjes së ardhshme të kampionatit kundër Veronës.
Asllani u huazua në Torino në një marrëveshje që përfshinte të drejtën e blerjes për 11,5 milionë euro, por duket se Torino nuk është e bindur për investimin në mesfushorin shqiptar.
Për momentin, vendimi përfundimtar pritet të merret pas ndeshjes së sotme në Serie A.
