Reshjet e dendura të shiut gjatë 24 orëve të fundit kanë shkaktuar rritjen e nivelit të lumit Ishëm, duke përmbytur mijëra hektarë tokë bujqësore në fshatra si Bilaj, Merqin dhe Mallkuc.
Situata ka përkeqësuar gjendjen, pasi kanalet kulluese nuk janë pastruar për më shumë se 30 vjet.
Rreth 20 familje janë të izoluara, kryesisht në fshatin Murqinë, ku dy lagje janë të rrethuara nga uji.
Rruga që lidh këto lagje është e mbuluar me mbi 50 cm ujë. Banorët kërkojnë ndërhyrje urgjente nga autoritetet.
