Kryeministri Edi Rama do të mbledhë nesër Komitetin e Emergjencave, në orën 08:30, për të diskutuar masat për përballimin e situatës së krijuar nga përmbytjet në disa zona të vendit.
Prej tre ditësh, disa qarqe po përballen me një situatë alarmante, ndërsa urdhra evakuimi janë lëshuar për banorët në Novoselë (Vlorë) dhe në Fier.
Ministria e Mbrojtjes bën me dije se evakuimi do të kryhet në koordinim me Agjencinë Kombëtare të Mbrojtjes Civile, Prefekturën e Qarkut Fier dhe strukturat e emergjencave civile në bashki.
