Pas situatës së rënduar nga moti i keq dhe reshjet intensive të shiut që kanë përfshirë vendin, zv/kryeministrja dhe ministrja e Infrastrukturës dhe Energjetikës, Belinda Balluku, ka mbajtur një deklaratë në mbledhjen e Komitetit Ndërministror të Emergjencave Civile.
Ajo ka sqaruar se akset rrugore kombëtare janë funksionale, ndërsa ka theksuar edhe sfidat që janë hasur në akset rurale, duke bërë përgjegjësinë e bashkive për mirëmbajtjen e tyre.
“Akset rrugore janë të gjitha funksionale, i referohem akseve kombëtare. Ndërsa ka pasur problematika në akset rurale që mirëmbahen nga bashkitë. Ka pasur inerte që kanë zbritur nga skarpatet e maleve edhe rrugët që janë të konsoliduara ndër vite si Shkalla e Zezë nga Gjirokastra në Tepelenë. Fakti që kemi patur shumë zjarre dhe ka mungesë bimësie në jug e ka bërë sfiduese situatën për mirëmbajtjen e rrugëve”, tha Balluku.
