Kryetarja e komanduar e Bashkisë Tiranë, Anuela Ristani, përmes një postimi në rrjetin e saj facebook ka reagur lidhur me situatën e keqe të motit dhe reshjet e dendura të dëborës të cilët kanë mbuluar aksin Qafë Priskë-Shëngjergj.
Postimi i Ristanit
Aksi rrugor Qafë Priskë – Shëngjergj, i cili ishte i mbuluar nga bora, është pastruar dhe është trajtuar me kripë për të mundësuar qarkullimin e automjeteve.
Megjithatë, për shkak të temperaturave të ulëta dhe mundësisë së ngricave, u bëjmë thirrje drejtuesve të mjeteve të lëvizin me kujdes të shtuar, të respektojnë sinjalistikën rrugore, të ulin shpejtësinë gjatë lëvizjes dhe të sigurohen që automjetet të jenë të pajisura me zinxhirë dëbore për gomat, me qëllim shmangien e aksidenteve.
Për çdo situatë emergjente, ju lutemi kontaktoni numrin 112.
