Presidentja e Meksikës, Claudia Sheinbaum, ka njoftuar se zhvilloi një bisedë të rëndësishme me presidentin amerikan Donald Trump, e cila përqendrohej kryesisht në çështjet e sigurisë dhe luftën kundër trafikut të drogës. Në një postim në platformën X, Sheinbaum theksoi se biseda u fokusua në forcimin e bashkëpunimit mes dy vendeve për të luftuar krimin dhe trafikun e narkotikëve, duke respektuar gjithashtu sovranitetin e Meksikës.
Kjo bisedë vjen pas një diskutimi mes ministrit të Jashtëm të SHBA-së, Marco Rubio, dhe homologut të tij meksikan, Juan Ramón de la Fuente, që theksuan nevojën për një angazhim të përbashkët në shkatërrimin e rrjeteve të dhunshme të narkotrafikut, veçanërisht për të luftuar fentanilin dhe armët e paligjshme.
Këto zhvillime ndodhin pas një deklarate të fortë nga Trump, i cili tha në një intervistë për Fox News se kartelët e drogës kontrollojnë Meksikën dhe kërcënoi me mundësinë e ndërhyrjes ushtarake amerikane në luftën kundër trafikut të drogës. Nga ana e saj, Sheinbaum u shpreh se bashkëpunimi në një kuadër respekti të ndërsjellë është kyç për arritjen e rezultateve të qëndrueshme në këtë fushë.
