Bloomberg raporton se i dërguari presidencial i SHBA-së, Steve Witkoff, së bashku me Jared Kushner, dhëndrin e ish-presidentit amerikan, po përgatisin një vizitë në Moskë për t’u takuar me presidentin rus, Vladimir Putin.
Zyrtarët theksojnë se planet e vizitës janë ende në fazë përgatitore dhe mund të ndryshojnë për shkak të zhvillimeve të fundit dhe protestave në Iran.
Gjatë takimit të planifikuar, Witkoff dhe Kushner pritet të paraqesin propozimet më të fundit për zgjidhjen e konfliktit në Ukrainë, duke përfshirë garancitë e sigurisë që SHBA dhe Evropa synojnë t’i ofrojnë Kievit.
Ky nuk është takimi i parë i këtij lloji: më 2 dhjetor, Putin priti Witkoff dhe Kushner në Kremlin për rreth pesë orë, me temë kryesore diskutimin e situatës në Ukrainë.
