Këshilli i Ministrave ka vendosur emërimin e Marjeta Përlalës në krye të Agjencisë Kombëtare të Mjedisit.
Vendimi, i propozuar nga ministri i Mjedisit, hyn në fuqi menjëherë dhe synon të forcojë drejtimin e këtij institucioni në mbrojtjen dhe menaxhimin e mjedisit në vend.
VKM:
V E N D I M
PËR
EMËRIMIN NË DETYRË TË DREJTORIT TË PËRGJITHSHËM TË AGJENCISË KOMBËTARE TË MJEDISIT
Në mbështetje të nenit 100 të Kushtetutës dhe të pikës 1, të nenit 61, të ligjit nr.10431, datë 9.6.2011, “Për mbrojtjen e mjedisit”, të ndryshuar, me propozimin e ministrit të Mjedisit, Këshilli i Ministrave
V E N D O S I:
Znj. Marjeta Përlala emërohet drejtor i Përgjithshëm i Agjencisë Kombëtare të Mjedisit.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
