Presidenti francez Emmanuel Macron u shfaq me një sy të enjtur dhe të skuqur gjatë fjalimit tradicional për Vitin e Ri drejtuar forcave të armatosura, duke tërhequr menjëherë vëmendjen e mediave dhe publikut. Ai siguroi se gjendja nuk është serioze dhe e komentoi situatën me humor.
“Ju kërkoj ndjesë për pamjen jo të mirë të syrit tim. Natyrisht, nuk është asgjë serioze. Thjesht shikojeni si një referencë të pavullnetshme te ‘Eye of the Tiger’. Për ata që e kuptojnë, është shenjë vendosmërie”, tha Macron gjatë fjalimit.
Para se të dilte para trupave, presidenti kishte mbajtur syze dielli gjatë inspektimit të bazës ushtarake të Istrës.
