Interesi i të rinjve për shërbimin ushtarak po vazhdon të rritet, sipas të dhënave të fundit nga rekrutimet, që tregojnë një rritje të qëndrueshme të aplikimeve.
Rritja e pagave, mundësia për një karrierë të qëndrueshme dhe rinovimi i respektit për uniformën kanë krijuar kushte më të mira dhe kanë motivuar më shumë të rinj që të bashkohen me Forcat e Armatosura.
Vetëm gjatë fazës së parë të vitit 2026 janë regjistruar 343 aplikime, që tregon se rinia ka më shumë besim dhe gatishmëri për t’u angazhuar në shërbimin aktiv.
Ky zhvillim është një sinjal i fortë për ringjalljen e lidhjes mes të rinjve dhe Forcave të Armatosura, duke përforcuar rolin e tyre për sigurinë kombëtare.
