Një 35-vjeçar shqiptar është arrestuar në Breshia, Itali, për trafik droge, pasi dyshohet si pjesë e një rrjeti të organizuar të shpërndarjes së kokainës në sasi të mëdha.
Operacioni u zhvillua pas një shitjeje të drogave të fshehura në enë plastike Kinder Surprise, ku u sekuestruan të paktën 2,5 kg kokainë e cilësisë së lartë, me vlerë mbi 300 mijë euro në tregun e pakicës.
Gjatë kontrollit të bërë në shtëpinë e tij, autoritetet gjetën më shumë kokainë të paketuar dhe materialet e nevojshme për shpërndarjen e saj, si peshore precize dhe telefona celularë. Shqiptari, i cili kishte një të kaluar kriminale të vogël dhe nuk punonte, udhëtonte me makinën e tij për të shitur dozat e kokainës.
Ai u arrestua dhe u dërgua në burgun e Montacuto-s, në pritje të seancës gjyqësore. Operacioni është udhëhequr nga Prokuroria e Breshias, e udhëhequr nga Rosario Lioniello.
