Segmenti i rrugës Qafë Plloçë–Qukës, pranë kthesës së fshatit Trebinjë, po sjell probleme në qarkullimin e mjeteve për shkak të dëmtimeve në asfalt.
Trafiku po kryhet vetëm në një korsi, ndërsa pjesa tjetër mbetet e bllokuar për arsye sigurie.
Firma kontraktore po monitoron situatën vazhdimisht, ndërsa Autoriteti Rrugor Shqiptar pritet të ndërhyjë për riparimin e dëmtimeve.
Drejtuesit e mjeteve këshillohen të tregojnë kujdes të shtuar gjatë kalimit në këtë segment rrugor.
Investimi në këtë rrugë ka qenë 260 milionë euro, por pamjet nga terreni tregojnë probleme që nuk përputhen me shifrën e shpenzuar.
