Kryeministri Edi Rama ka theksuar përfitimet konkrete që statusi Operator Ekonomik i Autorizuar (AEO) u ofron bizneseve shqiptare, duke sjellë procedura doganore të thjeshtuara, kursim kohe dhe rritje të konkurrueshmërisë në treg.
Përmes një postimi në rrjetet sociale, Rama u shpreh se kompani si Everest dhe Albelettrica tashmë po përfitojnë drejtpërdrejt nga ky status, i cili lehtëson qarkullimin e mallrave dhe ul barrën administrative në dogana.
“Falë statusit Operator Ekonomik i Autorizuar (AEO), kompani si Everest dhe Albelettrica përfitojnë procedura doganore të thjeshtuara, kursim kohe dhe avantazh real në treg.
Me përafrimin e Kodit Doganor me standardet e Bashkimit Europian, këto përfitime do të shtohen akoma më shumë edhe për operatorë të tjerë ekonomikë
Një hap i rëndësishëm drejt një ekonomie më të qëndrueshme dhe më të fortë.”
