Në ceremoninë përkujtimore të mbajtur në nder të aktorit Fitim Makashi, aktorja Rajmonda Bulku ndau me mediat kujtime dhe vlerësime për kolegun e saj.
Ajo u ndal te personaliteti dhe puna e Makashit, duke theksuar se ai ishte një figurë e veçantë në skenën teatrore dhe një njeri me integritet të rrallë.]
“Ju nuk e kuptoni sesa dhimbje, por dhimbje e bukur, sa bukur ta kujtosh një njeri që kishte një shpirt të madh. Ashtu siç kishte në rolet e tij xheneroze, ashtu ishte edhe në jetë. Një Fitim që do ta kujtojmë gjithmonë. Gjithmonë luftoi që në ambientet e teatrit të krijonte hapësirën që aktorit i duhej. Ishte i përkushtuar në profesion, partner i shkëlqyer dhe shumë xheneroz. Një aktor brilant i karaktereve të ngrohta, një burrë i rrallë në oborrin e teatrit.”
