Në Ditën Botërore kundër Kancerit, 4 shkurt, Princesha e Wales, Kate Middleton, publikoi një mesazh personal duke reflektuar mbi përvojën e saj me këtë sëmundje.
Videoja, e postuar në llogarinë zyrtare të Princit William dhe Princeshës Kate në Instagram, përfshinte vizitën në janar 2025 në spitalin Royal Marsden.
“Mendimet e mia sot janë me të gjithë ata që përballen me diagnostikimin me kancerim, trajtimin e sëmundjes apo rikuperimin. Kanceri prek jo vetëm pacientët, por edhe familjet dhe kujdestarët e tyre.
Ky rrugëtim ka momente frike dhe lodhjeje, por edhe forcë, mirësjellje dhe lidhje të thella. Ju nuk jeni vetëm“, ishte mesazhi i saj.
Kujtojmë se Princesha u diagnostikua me kancer në janar 2024 pas një operacioni abdominal, kohë kur nisi edhe kimioterapinë. Kate e ndau lajmin me publikun në mars 2024, duke theksuar se ajo dhe Princi William e kanë përballuar situatën larg syrit mediatik për shkak të fëmijëve të tyre, George, Charlotte dhe Louis.
