Gjatë kontrolleve në qarkun e Beratit, specialistët e Sektorit për Hetimin e Krimeve Ekonomike zbuluan një subjekt në lagjen “10 Korriku” që shiste ora dore të kontrabanduara dhe imitime të markave të njohura.
Produktet shiteshin edhe online, pa ofruar kupon tatimor dhe pa lëshuar fatura blerjeje.
Pas kontrollit, u sekuestruan 191 orë dore të dyshuara për kontrabandë.
Pronari i subjektit, A.D., 39 vjeç, u procedua penalisht për kontrabandë dhe moslëshim kuponi tatimor.
Materialet u referuan në Prokurorinë e Beratit për veprime të mëtejshme. Kontrolli i aktiviteteve ekonomike të paligjshme do të vazhdojë në gjithë territorin.
