Një 34-vjeçar është arrestuar nga policia e Lezhës pas një hetimi dyvjeçar lidhur me prodhimin e 92 kilogramëve kanabis në fshatin Gjonbardhaj. D. V., i cili u arrestua si pjesë e operacionit antidrogë “Furia”, dyshohet se ka bashkëpunuar me një tjetër person, Gj. M., i arrestuar më parë, për kultivimin e drogës.
Gjatë kontrollit në banesën e tij, policia sekuestruar gjithashtu 3 thika që ai kishte pa leje.
Hetimet vazhdojnë dhe materialet procedurale janë referuar në Prokurorinë e Lezhës për veprime të mëtejshme.
