Një shpërthim i mundshëm është parandaluar mbrëmjen e djeshme në Vrinë, Bashkia Konispol, kur shtetasi Mirash Gjikola, 57 vjeç, njoftoi policinë pas një zhurme të pazakontë në automjetin e tij.
Ai ka ndaluar në vendin e quajtur “Kthesa e Vrinës”, në aksin Shëndëlli – Vrinë, dhe ka konstatuar një objekt të dyshuar si lëndë eksplozive.
Menjëherë pas alarmit, forcat e policisë janë dërguar në vendngjarje, ndërsa më vonë kanë mbërritur edhe ekspertët e krimeve të rënda dhe reparti anti-eksploziv i RENEA-s.
Sipas informacioneve paraprake, lënda eksplozive ishte vendosur në sediljen e pasme të automjetit tip “Nissan” me targa AA 725 LG.
