Në gjykimin ndaj ish-liderëve të UÇK-së, Prokuroria ka bërë vlerësime të rëndësishme lidhur me rolin e Hashim Thaçit dhe ndikimin e tij mbi perceptimin ndërkombëtar për Ushtrinë Çlirimtare të Kosovës.
Sipas saj, disa deklarata të ndërkombëtarëve nuk reflektojnë realitetin e plotë të veprimeve të Thaçit dhe komandës së UÇK-së.
“Ata nuk e dinin se ai [Thaçi] mund të bënte emërime ushtarake…Ajo që nuk kuptojnë James Rubin, Wesley Clark dhe ndërkombëtarë të tjerë është që Thaçi ishte i aftë të maskonte atë që po ndodhte në realitet dhe kjo ndikoi në botëkuptimin e tyre për të kuptuar vërtet se si funksiononte UÇK-ja. Veçanërisht Rubin dhe Clark treguan se nuk kishin asnjë interes për të kuptuar çfarë ndodhte në realitet dhe besonin se puna e tyre ishte në anën e duhur të historisë dhe nuk u përballën me atë çka po dëgjon tashmë ky trup gjykues,” thuhet në qëndrimin e Prokurorisë.
