Në gjykatën e Hagës, ka nisur fjalën përmbyllëse ekipi mbrojtës i ish-pjesëtarit të UÇK-së, Rexhep Selimi.
Avokati i tij, Geoffrey Roberts, në fjalën e tij të hapjes, theksoi se Prokuroria e Specializuar e Kosovës (ZPS) nuk ka arritur të paraqesë prova të mjaftueshme për të vërtetuar akuzat ndaj klientit të tij.
“Selimi është tërësisht i pafajshëm për të gjitha krimet që i ngarkohen. ZPS-ja nuk ka arritur të provojë asnjë nga këto krime të pretenduara”, u shpreh Roberts. Ai theksoi se kjo është pozita e ekipit mbrojtës, duke i kërkuar gjykatës të shqyrtojë me kujdes mungesën e provave të qarta dhe të mjaftueshme për të mbështetur akuzat ndaj Selimit.
Mbrojtja e Selimit i bën thirrje gjykatës të refuzojë akuzat dhe të shpallë pafajësinë e klientit të tij, duke argumentuar se ZPS-ja nuk ka arritur të paraqesë prova bindëse.
