Arrestohet inspektori i Autoritetit Portual Durrës, Xhulio Golgota. Ai akuzohet për shpërdorim detyre lidhur me mbetjet e KURUM-it. Golgota ka qenë inspektor i mjedisit në port, në kohën kur është eksportuar sasia e mbetjeve të rrezikshme të Kurumit. Në kërkim janë edhe dy administratorë të shoqërisë KURUM dhe 10 persona të tjerë të lidhur me skemën e trafikut.
“Specialistët e Sektorit për Hetimin e Krimeve Ekonomiko-Financiare kapën dhe ndaluan Xhulio Golgota, 37 vjeç, banues në Durrës, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës, me vendimin e datës 03.02.2026, i ka caktuar masën e sigurisë “Arrest në burg”, për veprën penale ‘Shpërdorimi i detyrës’”, njofton policia.
