Drita ka siguruar tri pikë shumë të rëndësishme në xhiron e 20-të të AlbiMall Superligës, duke fituar me rezultat 1:0 përballë Drenicës.
Ndeshja ishte shumë e vështirë, por hero i ndeshjes u bë kapiteni Besnik Krasniqi, i cili shënoi golin e fitores në minutat e fundit të ndeshjes me një gjuajtje me kokë nga afërsia.
Pjesa e parë solli disa mundësi të mira shënimi për Drenicën, por portieri i Dritës, Faton Maloku, ishte i paparë, duke mbrojtur portën e tij me sukses.
Pas kësaj fitoreje, Drita ngjitet në vendin e dytë me 35 pikë, një pikë pas liderit Ballkani dhe dy para Prishtinës, që ende nuk i kanë zhvilluar ndeshjet e kësaj jave. Drenica mbetet në vendin e tetë me 21 pikë.
