Kreu i grupit parlamentar të Partisë Socialiste, Taulant Balla, përmes një postimi në facebook nga pjesëmarrja në Konferencën e Sigurisë në Mynih, ka bërë publike një foto me deputeten dhe Nënkryetaren e Grupit Socialdemokrat në Bundestag, Sonja Eichwede.
Postimi i Ballës
Konferenca e Sigurisë Mynih
Kënaqësi të zhvilloja një bisedë me Nënkryetaren e Grupit Socialdemokrat, deputeten e Bundestagut gjerman, Sonja Eichwede, juriste me përvojë dhe një zë i rëndësishëm në çështjet e drejtësisë në Parlamentin Federal të Gjermanisë. Sonja Eichwede është anëtare aktive në komisionet që lidhen me drejtësinë dhe shtetin e së drejtës, ajo luan një rol kyç në hartimin dhe mbikëqyrjen e legjislacionit që garanton pavarësinë e gjyqësorit, forcimin e institucioneve demokratike dhe sigurinë juridike.
