Dita Ndërkombëtare e Gjuhës Amtare, e shpallur nga UNESCO dhe që festohet çdo vit më 21 shkurt, ka për qëllim të promovojë diversitetin gjuhësor dhe kulturor në botë.
Kjo ditë vë në pah rëndësinë e mbrojtjes së gjuhëve dhe nxitjen e shumëgjuhësisë, duke kontribuar në mbajtjen gjallë të traditave dhe kulturave të ndryshme.
Kryeministri Edi Rama, në këtë kuadër, njoftoi nisjen e fazës gjysmëfinale të “Konkursit të Gjuhës Shqipe” në shkolla, duke i dhënë kështu një tjetër dimension festës.
“Mirëmëngjes dhe në Ditën Ndërkombëtare të Gjuhës Amtare, me nisjen e fazës gjysmëfinale në shkolla të “Konkursit të Gjuhës Shqipe”, një fije e artë që lidh fillesat e kombit tonë me të ardhmen e tij, ju uroj një fundjavë të mbarë”, shkruan Rama.
