Zbulimet e fundit pritet të shkaktojnë tronditje në Pallatin Mbretëror, duke hedhur dritë mbi paralajmërimet që i janë dërguar Mbretit Charles për përdorimin e emrit të Familjes Mbretërore për interesa private nga vëllai i tij, Andrew Mountbatten-Windsor.
Në vitin 2019, një njoftim zyrtar është dërguar në pallat, ku bëhej e ditur se Duka i atëhershëm i Jorkut kishte lidhje financiare “të fshehta” me financierin e diskutueshëm David Rowland. Ky i fundit dyshohej se po përfitonte nga lidhjet me Familjen Mbretërore për interesa personale.
Në gusht të atij viti, një individ i njohur me aktivitetet e biznesit të Andrew dërgoi një email drejtuar atëherë Princit të Uellsit përmes studios ligjore Farrer & Co, duke paralajmëruar për një “keqpërdorim të emrit të Familjes Mbretërore” nga Rowland. Ky komunikim theksonte se veprimet e Dukës së Jorkut nënkuptonin se ai e konsideronte marrëdhënien me Rowland më të rëndësishme se lidhjen me familjen e tij.
Një denoncim i dytë u dërgua direkt ndaj Rowland, me përfshirjen e sekretarit privat të Charles, Clive Alderton, dhe këshilltarit ligjor të Mbretëreshës së ndjerë, Mark Bridges. Ky email ngre pyetje serioze mbi menaxhimin e këtyre sinjalizimeve brenda institucionit mbretëror, duke sugjeruar se ka pasur një abuzim të mundshëm të emrit të Familjes Mbretërore.
