Një 28-vjeçar është arrestuar pas vjedhjes së karburantit dhe rrezikimit të jetës së punonjësit të një karburanti në Shupenzë.
Pas furnizimit me naftë, i arrestuari, A. Xh., u largua me shpejtësi pa paguar, duke rrezikuar jetën e punonjësit që përpiqej të parandalonte ikjen.
Forcat e Posaçme “Shqiponja” dhe Komisariati i Policisë Bulqizë, duke përdorur pamjet filmike dhe prova të tjera, mundën të identifikonin dhe kapnin 28-vjeçarin, i cili ishte i dënuar më parë në Itali për grabitje dhe i dëbuar për 10 vjet. Gjatë arrestimit, u sekuestrua automjeti dhe një kapuç në formë maske.
Materialet procedurale janë dorëzuar në Prokurorinë e Dibrës për veprime të mëtejshme.
