Kreu i Lidhjes Demokratike të Kosovës, Lumir Abdixhiku, ka komentuar për çështjen e presidentit pas një takimi me kryeministrin Albin Kurti në Kuvend.
Ai ka theksuar se situata kërkon një konsensus politik mes faktorëve të ndryshëm të vendit, duke ofruar dy mundësi për zgjidhjen e problemit.
“Ne folëm për çështjen më të rëndësishme, të presidentit, dhe afatin kushtetues që po na rrjedh. Dakordimi i përgjithshëm është se ka vetëm dy rrugë, dhe duhet konsensus politik, mes faktorëve të vendit, dhe ky konsensus politik duhet të ndërtohet mes këtyre 90 ditëve, ose duhet një marrëveshje klasike politike.”
