Ka nisur demontimi i urës së Dragostunjës tek “Arrat e Gurrës” për shkak të shkatërrimit nga rrëshqitja e tokës dhe e dherave pak ditë më parë.
Ura ka qenë e bllokuar për shkak të dëmtimeve serioze, dhe nuk është lejuar kalimi i mjeteve dhe këmbësorëve mbi të.
Jo vetëm ura e Dragostunjës, por e gjithë pjesa e Juglindjes gjatë këtyre ditëve ka qenë totalisht e paralizuar, me përjashtim të disa segmenteve alternative që lidhen me Tiranën, Spathar-Dardhë.
Autoriteti Rrugor Shqiptar ka njoftuar se janë marrë masat dhe po punohet për normalizimin e situatës në vend, pavarësisht vështirësive dhe bllokadës shqetësuese të këtyre ditëve.
