Një ngjarje ka ndodhur sot në fshatin Grudë e Re, në Shkodër, ku një 49-vjeçar ka gjetur vdekjen pasi dyshohet të ketë rënë aksidentalisht nga çatia e banesës së tij.
Ngjarja u regjistrua rreth orës 14:00. Familjarët e viktimës e dërguan atë në Spitalin Rajonal Shkodër, por fatkeqësisht nuk mundi t’i mbijetonte rënies.
Sipas informacioneve paraprake, grupi hetimor po punon për të përcaktuar rrethanat e sakta të këtij aksidenti tragjik.
Autoritetet njoftojnë se hetimet janë në vazhdim, ndërsa të dhënat e para sugjerojnë se ngjarja ka ndodhur aksidentalisht.
