Për shkak të përshkallëzimit të situatës së sigurisë në Lindjen e Mesme dhe mbylljes së disa hapësirave ajrore në rajon, Aeroporti Ndërkombëtar i Tiranës ka njoftuar ndërprerjen e përkohshme të fluturimeve drejt Tel Avivit dhe Dubait.
Pezullimi do të jetë në fuqi deri në një njoftim të dytë, në varësi të zhvillimeve të mëtejshme.
Autoritetet e aeroportit rekomandojnë pasagjerëve të kontaktojnë kompanitë ajrore për informacion të përditësuar mbi mundësitë e udhëtimit dhe rimbursimet.
