Qeveria e Mbretërisë së Bashkuar ka konfirmuar se Iran ka goditur pistën e uljes të bazës ajrore RAF në Qipro, përmes një sulmi me dron.
Për fat të mirë, sulmi nuk ka shkaktuar viktima, por ka dëmtuar një pjesë të infrastrukturës.
Ministria britanike e Mbrojtjes kishte njoftuar më herët se si masë paraprake, ishin transferuar familjet e ushtarëve nga baza, duke përforcuar sigurinë e objektit.
Ministrja e Brendshme, Yvette Cooper, gjatë një interviste, u shpreh se qeveria britanike po merr të gjitha masat për të mbrojtur qytetarët e saj që ndodhen në rajon.
Cooper theksoi se aktualisht rreth 300,000 qytetarë britanikë janë në vendet e Gjirit dhe se disa nga këta qytetarë janë në shënjestër të sulmeve të mundshme.
Ajo u kërkoi qytetarëve britanikë të ndjekin me kujdes udhëzimet e autoriteteve lokale dhe të qëndrojnë në zona të sigurta, pasi disa hapësira ajrore janë mbyllur për shkak të situatës në rritje.
