Presidenti i SHBA-së, Donald Trump, ka lëshuar një deklaratë të ashpër ndaj regjimit të Iranit përmes një postimi në rrjetin social Truth Social.
Trump theksoi se i vetmi skenar që mund të pranojnë Shtetet e Bashkuara është një “dorëzim pa kushte” nga ana e Teheranit, duke hapur kështu mundësinë për një ndryshim të madh politik në vend.
Trump shtoi se, pas këtij hapi, do të niste procesi i krijimit të një udhëheqjeje të re, që mund të përfshinte një lider të ri ose një grup drejtuesish, për të pasuar boshllëkun e lënë nga vdekja e Ali Khamenei.
Ai nënvizoi se ky transformim mund të ndodhë me mbështetje të partnerëve ndërkombëtarë, duke e konsideruar këtë një mundësi për të rikthyer Iranin në një rrugë të re dhe më të qëndrueshme.
Në një moment të ngjashëm, Trump prezantoi një slogan të ri: “Bëjeni Iranin të Madhërishëm Përsëri (MIGA!)”, një variant i sloganit të tij të njohur “Make America Great Again (MAGA)”. Kjo fjalë ka për qëllim të simbolizojë një Iran të transformuar dhe të mbështetur nga aleatët ndërkombëtarë për një të ardhme më të ndritur dhe më të stabilizuar.
