7 Marsi, Dita e Mësuesit, këtë vit u festua ndryshe në Lushnjë. Përveç luleve dhe urimeve të shumta që nxënësit u dhuruan mësuesve të tyre me dashuri dhe mirënjohje, për herë të parë shkollat e qytetit u bashkuan për të festuar së bashku këtë ditë të veçantë.
Kjo festë mori një atmosferë të ngrohtë dhe festive, ku mësues nga shkolla të ndryshme u mblodhën për të ndarë gëzimin dhe respektin për profesionin e tyre fisnik. Ishte një moment i bukur bashkimi dhe vlerësimi për punën e palodhur që mësuesit bëjnë çdo ditë në edukimin e brezave të rinj.
Atmosferës festive iu bashkuan edhe deputetja Kiudina Zaka dhe drejtoresha e ZVA Lushnjë, Arta Dhamo, të cilët përcollën urimet dhe vlerësimet e tyre për mësuesit. Në fjalën e tyre ata theksuan rëndësinë e rolit të mësuesit në shoqëri dhe u uruan atyre edhe më shumë suksese në misionin e tyre të rëndësishëm.
Kjo mënyrë e re e festimit e bëri 7 Marsin edhe më domethënës, duke treguar se respekti dhe mirënjohja për mësuesit mbeten gjithmonë të veçanta.
