Në Ditën Ndërkombëtare të Gruas, kryetarja e Kuvendit, Albulena Haxhiu, së bashku me deputetet e LVV-së, ka bërë homazhe te memoriali “Heroinat” në kryeqytet për të nderuar gratë dhe kontribueset e Luftës së Kosovës.
Gjatë kësaj dite, Haxhiu ka theksuar rëndësinë e qëndrueshmërisë dhe dinjitetit të të mbijetuarave të dhunës seksuale gjatë luftës.
“Unë mendoj që sot më 8 mars duhet të flasim për të drejtat e grave, problemet e tyre, sfidat me ato që ballafaqohen. Për temat e tjera të politikave ditore do të kem paraqitje tjetër, ju premtoj për këtë, se natyrisht që rrethanat na obligojnë që t’i japim qëndrimet për situatën aktuale,” ka thënë Haxhiu.
