Ambasadori i Emirateve të Bashkuara Arabe në Gjenevë, Jamal Al-Musharakh, ka reaguar ndaj akuzave të fundit që lidhin vendin e tij me sulme ndaj Iranit, duke theksuar se Emiratet nuk do të lejojnë përdorimin e territorit të tyre për këtë qëllim.
Ai mohoi pretendimet se bazat ushtarake në Emiratet e Bashkuara Arabe janë përdorur për ofensiva kundër Teheranit, duke sqaruar qëndrimin e vendit të tij në këtë çështje.
“Bazat tona nuk janë përdorur për të sulmuar Iranin. Si Emiratet e Bashkuara Arabe, ne nuk do të marrim pjesë në asnjë sulm kundër Iranit nga territori ynë dhe nuk do të përfshihemi kurrë,” – theksoi ambasadori Al-Musharakh, duke shtuar gjithashtu se Emiratet kanë qenë objekt i sulmeve “krejtësisht të pajustifikuara” në ditët e fundit.
