Presidenti i Shteteve të Bashkuara, Donald Trump, ka bërë të qartë se nuk do të lejojë që Irani të ndërpresë lirinë e lundrimit dhe rrjedhën e energjisë përmes Ngushticës së Hormuzit, një arterie kyçe për furnizimin me naftë në tregjet globale. Në një deklaratë gjatë një konference për shtyp, zëdhënësja e Shtëpisë së Bardhë, Karoline Leavitt, tha se presidenti Trump është i angazhuar të garantojë që rrjedha e naftës të vazhdojë pa pengesa, për të përmbushur nevojat energjetike të Shteteve të Bashkuara dhe aleatëve të saj.
Leavitt shtoi se presidenti është i vendosur të mbrojë këtë rrugë detare strategjike dhe e paralajmëroi regjimin iranian se çdo tentativë për të ndërprerë lirinë e lundrimit do të hasë në një reagim të fuqishëm ushtarak. Ajo theksoi se Trump i ka bërë thirrje “elementëve të mbetur të regjimit iranian” se ata do të përballen me “ushtrinë më të fuqishme në botë” nëse tentojnë të bllokojnë Ngushticën e Hormuzit.
Kjo paralajmërim vjen pas tensioneve të vazhdueshme në rajon, ku Irani ka kërcënuar disa herë të ndërpresë lirinë e lundrimit në këtë ngushticë të rëndësishme, për të kërkuar më shumë ndikim në tregjet globale të energjisë.
