Një person ka humbur jetën dhe një tjetër mund të jetë i rrezikuar pas një rakete që goditi një automjet civil në Abu Dhabi, Emiratet e Bashkuara Arabe.
Autoritetet lokale raportuan se raketa ra mbi një makinë në zonën Al Bahyah, me viktimën e identifikuar si shtetas palestinez.
Në një njoftim të shpërndarë në platformën X, zyra e medias në Abu Dhabi tha se raketa ra pak para orës 11:00 sipas kohës lokale, por nuk ka informacion të mjaftueshëm nëse raketa është interceptuar nga sistemet e mbrojtjes ajrore ose ka arritur të godasë objektivin e saj.
Më herët gjatë mëngjesit, Policia e Abu Dhabit njoftoi për një kërcënim raketor dhe i kërkoi qytetarëve të qëndronin në vende të sigurta. Hetimet për këtë ngjarje janë ende në zhvillim, ndërkohë që autoritetet po punojnë për zbardhjen e shkaqeve të incidentit.
