Një ngjarje ka tronditur Gjakovën këtë mëngjes, ku pas një mosmarrëveshjeje dy persona janë qëlluar me armë zjarri.
Policia e Kosovës ka konfirmuar se njëri nga të plagosurit ka humbur jetën në vendngjarje, ndërsa i dyti ka mbetur i plagosur dhe është dërguar për trajtim mjekësor.
Ngjarja ka ndodhur rreth orës 05:30 në rrugën “Vëllezërit Frashëri”. Sipas informacionit të policisë, dy meshkuj të moshës madhore janë përfshirë në një konflikt, që ka çuar në përdorimin e armës.
Autori i dyshuar ka arritur të largohet nga vendi i ngjarjes dhe aktualisht policia është duke kërkuar për të.
Viktima është identifikuar dhe ka ndërruar jetë pas plagëve të marra, ndërkohë që i plagosuri është në trajtim mjekësor për t’u shpëtuar jetës. Policia ka nisur hetimet për të zbardhur shkaqet e incidentit dhe për kapjen e autorit.
