Një shkollë e re ka hapur dyert e saj në Shezë të Peqinit, duke ofruar mundësi më të mira për nxënësit dhe mësuesit në këtë zonë.
Ky projekt i realizuar nga Ministria e Arsimit dhe Bashkia Peqin ka për qëllim përmirësimin e kushteve të arsimit dhe ofrimin e një infrastrukture moderne.
Kryeministri Edi Rama, në një postim në rrjetet sociale, theksoi se shkolla është e pajisur me të gjitha nevojat për një proces mësimor cilësor, dhe e krahasoi këtë investim me ndërtimin e një hapësire të re zhvillimi për të gjithë komunitetin.
Posti i Ramës:
Tashmë një shkollë dinjitoze në Shezë të Peqinit, me standardet më të mira.
Së bashku me shkollën është ndërtuar edhe kopshti i ri për fëmijët, si dhe terrene sportive.
Ky investim i Ministrisë së Arsimit dhe Bashkisë Peqin i jep Shezës kushte më cilësore në arsim dhe krijon një hapësirë të re zhvillimi për të gjithë komunitetin.
