Ministri i Financave, Petrit Malaj deklaroi se për periudhën janar-shkurt janë mbledhur 130 miliardë lekë, ose 11.5% më shumë se e njëjta periudhë e një viti më parë, ndërsa theksoi se kjo ecuri pozitive pritet të vijojë edhe në muajt në vijim. I pyetur nëse do të ketë një paketë masash përballë rritjes së çmimeve, ministri deklaroi;
“Situata është në monitorim, jemi në bashkërendim me të gjitha ministritë e linjës. Pa diskutim nëse do të nevojitet për shtresat në nevojë, pa diskutim do i marrim të gjitha masat e nevojshme dhe vetë rezultatet na e mundësojnë këtë gjë” tha ai.
