Partia Demokratike kërkon interpelancë me ministren e Shëndetësisë, Evis Sala. Deputeti Bardh Spahia ka denoncuar skandalin e koncesionit të sterilizimit, i cili megjithëse ka kaluar nën administrimin e shtetit, vijon të krijojë probleme për qytetarët.
Spahia deklaroi se qytetarët po hasin vështirësi për të kryer analizat laboratorike, duke e cilësuar situatën shqetësuese.
“Partia Demokratike kërkon një interpelancë në Parlament për çështjen e sterilizimit. Vetë ministrja e ka pranuar publikisht se qytetarët nuk kanë mundësi të kryejnë analizat.
Pse SPAK nuk heton koncesionin e sterilizimit? Ministria e pranoi vetë situatën. Kërkojmë hetimin e këtij rasti” u shpreh Spahia.
