Presidenti i SHBA-së, Donald Trump, ka bërë një paralajmërim të rrezikshëm për Iranin, duke thënë se “një qytetërim i tërë do të vdesë sonte” nëse Irani nuk hap Ngushticën e Hormuzit deri në orën 20:00 (me kohën lindore).
Këto deklarata kanë shkaktuar reagime të ashpra nga demokratët në Kongres, të cilët kanë kërkuar aktivizimin e Amendamentit të 25-të për të larguar Trumpin nga detyra, duke e cilësuar atë të papërshtatshëm për të udhëhequr vendin.
Përfaqësuesja Yassamin Ansari ka thënë se retorika e Trump ka kaluar çdo kufi dhe ka paralajmëruar për mundësinë e shkarkimit të Sekretarit të Mbrojtjes, Pete Hegseth. Ndërkohë, Ilhan Omar e ka quajtur Trump “të çmendur dhe të paqëndrueshëm”, duke kërkuar që ai të largohet nga detyra.
Përfaqësuesi Shri Thanedar ka theksuar se presidenti po kërcënon me masakra dhe ka bërë thirrje për veprime të menjëhershme për të parandaluar një luftë.
Sarah McBride ka denoncuar kërcënimet për “krime lufte” të Trumpit, duke theksuar se këto janë ndër më të rrezikshmet deri tani dhe duhet të përballen me përgjegjësi ligjore.
