Mes vështirësive të shkaktuara nga reshjet e dëborës që kishin mbuluar fushën dhe dyshimeve nëse ndeshja do të luhej normalisht, pasi ngrica bënte që në stadium të mos kishte ujë, Teuta fitoi sfidën e parë të Kupës së Shqipërisë me Skënderbeun.
Durrsakët triumfuan 1-0 në Korçë, në duelin e parë çerekfinal të Kupës së Shqipërisë, me golin e shënuar nga Rubin Hebaj pas një ore lojë.
I rikthyer në detyrën e trajnerit, Renato Arapi e nisi me sukses aventurën, teksa Teuta hodhi një hap të rëndësishëm drejt gjysmëfinaleve të Kupës.
