Trupi i pajetë i Rexhail Qerimit, i dënuar me burg të përjetshëm për rastin “Alfa” i cili ndërroi jetë mbrëmjen e kaluar është tërhequr nga morgu.
Lajmin e kanë konfirmuar familjarët, të cilët për Alsat thonë se varrimi i të ndjerit do të bëhet ditën e premte për shkak se presin ardhjen e familjarëve nga jashtë. Jo zyrtarisht Rexhail Qerimi ka ndërruar jetë si pasojë e një sulmi në tru, ndësra vdekja i është konstatuar gjatë transportit për në spital.
Rasti “Alfa” ka ndodhur më 26 nëntor 2008, në parkingun e Fakultetit matematiko-natyror në Shkup, nga ku jetën kishte humbur polici shqiptar nga njësiti Alfa, ndërsa ishin plagosur edhe dy kolegët e tij maqedonas me të cilët ai kishte qenë në patrullë.
Për këtë rast, në prill të vitit 2010, me burgim të përjetshëm u dënua tashmë i ndjeri Rexhail Qerimi dhe Agim Islami
