Ndonëse nuk qëndroi shumë gjatë në shtëpinë e “Big Brother VIP”, pjesëmarrja e Xheisara Friskut shkaktoi jo pak “zhurmë”. E ftuar në emisionin “Live From Tirana” në Top Albania Radio, ajo foli për gjithçka, që nga eksperienca deri tek thashethemet se është martuar në fshehtësi.
Jeta e saj private u komentua kudo, si dhe fakti që nuk e ka përmendur partnerin në “Big Brother VIP”. Ndaj për herë të parë, ajo zbuloi të vërtetën në TAR.
“Unë nuk jam e martuar, as videoklip nuk kam bërë, unë tashmë kam ‘British’, ju dua shumë. Jam në një ‘marrëdhënie’ me letrat angleze dhe nuk më plas çfarë thotë mileti. Na duhen ato letra. Këtë nuk e kam thënë asnjëherë. Jam e lumtur se bëra atë që doja. Unë kam një bllok që shkruaj gjithmonë gjërat para se të vijë viti. Qëlimi im ka qenë kjo, “Big Brother”, disa produksione që do ua marr dikujt së shpejti pra deri në fund të vitit 2022 do i kem mbyllur të gjitha”, tha Xheisara.
