Pasditen e sotme banorët e “5 majit” së bashku me ata të Laprakës dhe Paskuqanit kanë dal sërish në protestë për pronat e tyre që po shemben nga projekti i Unazës së Madhe.
Teksa policia po përpiqej të shpërndante banorët sepse kishin bllokuar trafikun njëri nga ata u shpreh:
“Këta që na prishin shtëpitë a janë të ligjshëm a janë të paligjshëm? Këto që na ndalojnë ne të protestojmë, a janë vetë të ligjshëm? Pse nuk vjen askush të flasë me ne?”
Ndërsa një tjetër banorë ka theksuar se letrat për legalizim i ka mbyllur që kur ka mbaruar ndërtimin e shtëpisë, por kurrë nuk ka marr përgjigje.
“Nuk ka ardhur asnjë lloj reagimi nga askush, edhe të jetimores me qenë, nuk do silleshin kështu. E kemi mësuar nëpër televizorë vendimin për prishjen. Banesa ime është e pa legalizuar, ka që në 1997-tën që jam regjistruar për legalizimin e shtëpisë.”
Ndërkohë që dje bashkia ju ka bërë thirrje qytetarëve të firmosin aktin me shtetin për të marr aq sipërfaqe banese sa ju takon për frymë.
